Elixan ismayilof qazaqistan bash ministirliqigha körsitildi

Qazaqistandiki malimanchiliq tüpeylidin qazaqistan prézidénti qasim toqayéf 11-yanwar küni elixan ismayilofni yéngi bash ministir namzatliqigha körsetken. Qazaqistan töwen palatasi bolsa shu künning özide uninggha awaz bergen.

Roytérs agéntliqining bu heqtiki xewiride éytilishiche, bu yil 49 yashqa kirgen elixan ismayilof ilgiri maliye ministiri, kéyinche bu qétim tarqitiwétilgen hökümetning mu'awin bash ministiri bolup ishligeniken. Toqayéf bu heqte muxbirlargha söz qilip “Chet'eldin kirgen qisimlarning wezipisi ayaghlashti. Ular pat yéqinda qaytip kétidu” dégen.

Xitay hökümiti qazaqistandiki hökümetke qarshi naraziliq herikitini izchil eyiblep kelgen bolup, buning térrorluq herikiti ikenlikini algha sürgen. Shundaqla “Eger qazaqistan hökümiti xalisa bizning qoralliq qisimlirimiz qazaqistan'gha bérip ‛üch xil küchler‚ge zerbe bérishke, shuningdek siyasiy tüzümni qoghdashqa yardem bérishke teyyar” dégen. Emma qazaqistan hökümiti rusiye bashchiliqidiki kolléktip bixeterlik kélishimi teshkilatining tinchliq qisimlirini yardemge chaqirghan bolup, xitayni bu qatargha qoshmighanidi. Analizchilar qazaqistanni öz ichige alghan merkiziy asiya rayonida xitaygha qarighanda rusiyening tesirining yenila chongliqini körsetmekte.