Әлихан исмайилоф қазақистан баш министирлиқиға көрситилди

Мухбиримиз әзиз
2022-01-11
Share

Қазақистандики малиманчилиқ түпәйлидин қазақистан президенти қасим тоқайеф 11-январ күни әлихан исмайилофни йеңи баш министир намзатлиқиға көрсәткән. Қазақистан төвән палатаси болса шу күнниң өзидә униңға аваз бәргән.

Ройтерс агентлиқиниң бу һәқтики хәвиридә ейтилишичә, бу йил 49 яшқа киргән әлихан исмайилоф илгири малийә министири, кейинчә бу қетим тарқитиветилгән һөкүмәтниң муавин баш министири болуп ишлигәникән. Тоқайеф бу һәқтә мухбирларға сөз қилип “чәтәлдин киргән қисимларниң вәзиписи аяғлашти. Улар пат йеқинда қайтип кетиду” дегән.

Хитай һөкүмити қазақистандики һөкүмәткә қарши наразилиқ һәрикитини изчил әйибләп кәлгән болуп, буниң террорлуқ һәрикити икәнликини алға сүргән. Шундақла “әгәр қазақистан һөкүмити халиса бизниң қораллиқ қисимлиримиз қазақистанға берип ‛үч хил күчләр‚гә зәрбә беришкә, шуниңдәк сиясий түзүмни қоғдашқа ярдәм беришкә тәйяр” дегән. Әмма қазақистан һөкүмити русийә башчилиқидики коллектип бихәтәрлик келишими тәшкилатиниң тинчлиқ қисимлирини ярдәмгә чақирған болуп, хитайни бу қатарға қошмиғаниди. Анализчилар қазақистанни өз ичигә алған мәркизий асия районида хитайға қариғанда русийәниң тәсириниң йәнила чоңлиқини көрсәтмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт