Қазақистан президенти нурсултан нәзәрбайеф истепа бәрди

Мухбиримиз әзиз
2019-03-19
Share

1991-Йили сабиқ советлар иттипақи һалак болғандин тартип қазақистанниң рәһбири болуп кәлгән нурсултан нәзәрбайеф 19-март күни қазақистан телевизийәсидә нутуқ сөзләп өзиниң истепа бәргәнликини җакарлиди.

Б б с ниң бу һәқтики хәвиридә ейтилишичә, нәзәрбайеф нутқида өзиниң мустәқил қазақ дөлитиниң баш көтүрүши үчүн тегишлик ролларни ойниғанлиқини, әмди буниңдин кейинки ислаһат ишлирини давам әттүрүш үчүн йеңи бир әвлад рәһбәрлик қатлимиға орун бошитип бәрмәкчи болуватқанлиқини тәкитлигән. Әмма өзиниң немә сәвәбтин истепа бәргәнликини тилға алмиған.

Хәвәрләрдин мәлум болушичә, қазақистан парламенти юқири палатасиниң рәиси, қазақистанниң сабиқ баш министири қасим җомарт тоқайеф 20-марттин башлап вақитлиқ һалда нәзәрбайефниң орниға чиқидикән. Хәвәрләрдә тоқайефниң бейҗиңда хитайчә өгәнгәнлики вә бейҗиңдики сабиқ совет иттипақи әлчиханисида узун мәзгил ишлигәнлики алаһидә орун алди.

Мәлум болушичә, бу йил 78 яшқа киргән нәзәрбайеф әйни вақитта қазақистан коммунистик партийәсиниң 1-секретари болуп ишлигән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.