Qazaqistan prézidénti nursultan nezerbayéf istépa berdi

Muxbirimiz eziz
2019-03-19
Share

1991-Yili sabiq sowétlar ittipaqi halak bolghandin tartip qazaqistanning rehbiri bolup kelgen nursultan nezerbayéf 19-mart küni qazaqistan téléwiziyeside nutuq sözlep özining istépa bergenlikini jakarlidi.

B b s ning bu heqtiki xewiride éytilishiche, nezerbayéf nutqida özining musteqil qazaq dölitining bash kötürüshi üchün tégishlik rollarni oynighanliqini, emdi buningdin kéyinki islahat ishlirini dawam ettürüsh üchün yéngi bir ewlad rehberlik qatlimigha orun boshitip bermekchi boluwatqanliqini tekitligen. Emma özining néme sewebtin istépa bergenlikini tilgha almighan.

Xewerlerdin melum bolushiche, qazaqistan parlaménti yuqiri palatasining re'isi, qazaqistanning sabiq bash ministiri qasim jomart toqayéf 20-marttin bashlap waqitliq halda nezerbayéfning ornigha chiqidiken. Xewerlerde toqayéfning béyjingda xitayche ögen'genliki we béyjingdiki sabiq sowét ittipaqi elchixanisida uzun mezgil ishligenliki alahide orun aldi.

Melum bolushiche, bu yil 78 yashqa kirgen nezerbayéf eyni waqitta qazaqistan kommunistik partiyesining 1-sékrétari bolup ishligen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet