Türkiye qirghizistanni “Gülenchiler” ning herbiy özgirish qilish xewpi toghriliq agahlandurghan

Muxbirimiz erkin
2016.07.29

Türkiye hökümiti peyshenbe küni qirghizistanni amérikida turushluq türk ölima, “Nurchilar” herikitining rehbiri fethullah gülenning egeshküchilirining herbiy özgirish qilish xewpi toghriliq agahlandurghan.

Firansiye agéntliqining xewer qilishiche, türkiye “Gülenchiler” ning qirghizistan dölet organlirigha singip kirgen bolushi mumkinlikini bildürgen.

Türk hökümiti türkiyede 15‏-iyul yüz bergen herbiy özgirishni fethullah gülenning qozghighanliqini, meqsiti prézidént erdoghanni aghdurup tashlash ikenlikini ilgiri sürüp, amérikidin fethullah gülenni ötküzüp bérishni iltimas qilghan. Lékin amérika türkiyening delil körsitishini telep qilghan idi.

Firansiye agéntliqining xewer qilishiche, türkiye qirghizistanni gülenchilerge qarshi keskin tedbir almidi, dep tenqid qilghan.

Türkiye tashqi ishlar ministiri mewlut chawush'oghlu peyshenbe küni s n n türk qaniligha bergen bayanatida, “Qirghizistanda, mesilen, herbiy özgirish bolushi mumkin. Eger qirghizistanda herbiy özgirish bolsa, uni fethullah térrorluq teshkilati élip baridu” dégen.

Türk hökümiti gülenchiler herikitining bir “Térrorluq teshkilat” ikenlikini ilgiri sürüp keldi. Qirghizistan tashqi ishlar ministirliqi türkiyening agahlandurushigha diqqet qilghanliqini bildürüp, lékin qirghizistanning musteqil, igilik hoquqluq dölet ikenlikini, bir tashqi ishlar ministirining bashqa bir döletke “Undaq qil -mundaq qil déyishi toghra emes” likini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.