Xitay bilen qirghizistan térrorluqqa qarshi birleshme herbiy manéwir ötküzgen

2019-08-07
Élxet
Pikir
Share
Print

6-Awghust küni xitay xelq qoralliq saqchi qisimliri bilen qirghizistan döletlik ichki amanliqni qoghdash qisimliri birlikte "Hemkarliq-2019" namida bir meydan térrorluqqa qarshi birleshme manéwiri ötküzgen.

7-Awghust "Shinjang géziti" de élan qilin'ghan munasiwetlik xewerde déyilishiche, bu qétimliq birleshme manéwir "Térrorluq tehditlirige birlikte taqabil turush" ni arqa körünüsh qilip, "Qol tutushup térrorluq jinayetlerge birlikte zerbe bérish" shundaqla "Murekkep térrorluq hujumlirini birlikte berbat qilish" qatarliqlarni asasiy mezmun qilghan iken.

Xewerdin melum bolushiche, bu qétimliq herbiy manéwirgha xitay we qirghizistan ikki tereptin texminen 150 ke yéqin komandir-eskerler qatnashqan iken.

5-Awghust küni qirghizistandiki yerlik xelq shu jayning shimalidiki bir altun kénigha hujum qilip, bu yerdiki xitay ishchilar bilen toqunushqan we shirketning bir qanche kiranlirini musadire qilghan idi. Mushundaq jiddiy bir shara'itta ikki döletning térrorluqqa qarshi birleshme herbiy manéwir ötküzüshi diqqet qozghidi.

Muhajirettiki Uyghur közetküchiler, "Shangxey hemkarliq teshkilati" gha eza bolghan hemde iqtisadiy jehette xitayning meblighi we sélinmisigha tayinip qalghan qirghizistanning xitay bilen birleshme manéwir ötküzüshi xitayning nöwette ottura asiya döletlirini özining tesir da'irisige kirgüzüshke urunuwatqanliqining bir ipadisi, dep qarimaqta.

Toluq bet