Аптомобил һуҗумидин кейин, хитай қирғизистандики пуқралирини тала-түзгә аз чиқиш һәққидә агаһландурди

Мухбиримиз шөһрәт һошур
2016.08.31
Share on WhatsApp
Share on WhatsApp

30-Авғуст хитайниң бишкәктики әлчиханиси адәм бомба һуҗумиға учриғандин кейин, хитай ташқи ишлар министирлиқи 31-авғуст тор бетидә қисқа бир баянат елан қилип, қирғизистанни у йәрдики хитай пуқралири вә органлириниң бихәтәрликни қоғдашқа вә һуҗумниң җавабкарини сотлашқа чақирди.

Баянатта қирғизистандики хитай пуқралири адәм топлашқан җайларға бармаслиқ вә тала-түзгә аз чиқиш һәққидә агаһландурулған. Баянатта қирғизистанға чиқиш тәйярлиқидики хитай пуқралиридинму хитаб қилинип, һошяр болуш вә мудапиә һалитидә туруш тәләп қилинған.

Ройтирисниң бүгүнки бу һәқтики хәвиридә, қирғиз даирилириниң бурунму ислам дөлити тәшкилатиға тәвә икәнлики илгири сүрүлгән қораллиқ күч гумандарлирини тутуп келиватқанлиқи, түркийә даирилириниң болса истанбулда айродромға һуҗум қилған террорчиларниң ичидә қирғиз вәтәндиши барлиқини елан қилғанлиқи баян қилинған. Хәвәрниң ахирида хитайға қарши тәшкилләнгән уйғур қораллиқ күчлириниң оттура асиядиму актип дәп қарилидиғанлиқи әскәртилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.