Aptomobil hujumidin kéyin, xitay qirghizistandiki puqralirini tala-tüzge az chiqish heqqide agahlandurdi

Muxbirimiz shöhret hoshur
2016.08.31
Share on WhatsApp
Share on WhatsApp

30-Awghust xitayning bishkektiki elchixanisi adem bomba hujumigha uchrighandin kéyin, xitay tashqi ishlar ministirliqi 31-awghust tor bétide qisqa bir bayanat élan qilip, qirghizistanni u yerdiki xitay puqraliri we organlirining bixeterlikni qoghdashqa we hujumning jawabkarini sotlashqa chaqirdi.

Bayanatta qirghizistandiki xitay puqraliri adem toplashqan jaylargha barmasliq we tala-tüzge az chiqish heqqide agahlandurulghan. Bayanatta qirghizistan'gha chiqish teyyarliqidiki xitay puqraliridinmu xitab qilinip, hoshyar bolush we mudapi'e halitide turush telep qilin'ghan.

Roytirisning bügünki bu heqtiki xewiride, qirghiz da'irilirining burunmu islam döliti teshkilatigha tewe ikenliki ilgiri sürülgen qoralliq küch gumandarlirini tutup kéliwatqanliqi, türkiye da'irilirining bolsa istanbulda ayrodromgha hujum qilghan térrorchilarning ichide qirghiz wetendishi barliqini élan qilghanliqi bayan qilin'ghan. Xewerning axirida xitaygha qarshi teshkillen'gen Uyghur qoralliq küchlirining ottura asiyadimu aktip dep qarilidighanliqi eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.