Хитай русийәдә “қизил саяһәт” ни әвҗ алдурмақта

“вал ситрет журнили” ниң 31-өктәбирдики хәвиридә ейтилишичә, хитай билән русийә оттурисидики мунасивәтниң қайси дәриҗидә йеқинлишиватқанлиқини, хитай һөкүмити зор күч билән тәшәббус қиливатқан “қизил саяһәт” паалийитигә аваз қошуп, русийәгә саяһәт үчүн келиватқан хитай пуқралириниң сан җәһәттики ешип меңиш әһвалидин очуқ көрүвелиш мумкин икән.

Мәлум болушичә, ши җинпиң тәхткә чиққандин кейин хитай компартийисигә алақидар тарихий нуқтиларни саяһәт қилиш әвҗ алған. Бу һал 2015-йили мав зедуңниң туғулған юрти болған шавшән наһийисидә хитай-русийә икки тәрәп “қизил саяһәт” йоллирини ечиш һәққидики рәсмий тохтамға қол қойғандин кейин техиму юқири пәллигә көтүрүлгән. Саяһәт өмәклиригә визини кәчүрүм қилиш, әрзан мал баһаси вә бихәтәр саяһәт муһити көплигән хитай саяһәтчиләрни “қизил саяһәт” кә җәлп қилған қошумчә амиллар икән.

Бу йилниң өзидә болса мушу лайиһә бойичә бир милйон йүз миң хитай саяһәтчи русийәдики “қизил” нуқтиларни саяһәт қилишқа кәлгән. Чең лиң исимлик бир хитай мухбирға “биз ленин вә сталин һәққидә мәлуматларға игә болдуқ, шундақла уларниң бу дөләтни қандақ қилип қуруп чиққанлиқини чүшәндуқ” дегән.

Мәлум болушичә, 2017-йили “русийә өктәбир инқилаби” ниң йүз йиллиқи тәбриклинидиған болуп, бу мәзгилдә техиму көп хитай саяһәтчиләрниң русийәгә бериши мөлчәрләнмәктә икән.