Уйғур районидики җ х тармақлири 20 түрлүк "қулайлиқ тәдбир" ни оттуриға қойған

Мухбиримиз җәвлан
2021-08-04
Share

"тәңритағ тори" вә "шинҗаң гезити" ниң 4-авғуст чиқарған хәвиригә қариғанда, уйғур аптоном районлуқ җамаәт хәвпсизлик тармақлири "мән аммиға әмәлий иш қилип беримән" дегән темида ахбарат елан қилиш йиғини өткүзгән. Йиғинда җ х орунлири өзлириниң тәкшүрүп тәтқиқ қилишлири вә универсал хуласә-һөкүм чиқиришлири асасида "аммиға қулайлиқ яритип, карханиларға мәнпәәт йәткүзидиған" 20 түрлүк тәдбирни оттуриға қойған. Бу тәдбирләр җәмийәт аманлиқи, қатнаш, чеградин кирип-чиқиш қатарлиқ саһәләргә четилидикән.

Бу тәдбирләр ичидә, игә-чақиси йоқ қериларға етибар берип, ишик алдиға берип нопус вә кимлик беҗириш, учурлирини компютерға киргүзүшкә ярдәм бериш, торда нопус рәсмийити беҗириш қатарлиқлар алаһидә тонуштурулған. Нөвәттә уйғур районидики һәр қайси наһийә (шәһәр) ләргә көчүп киргән нопусларниң вә йөткәлгән нопусларниң рәсмийитини торда беҗириш омумлашқан болуп, 2021-йилдин буян 600 миңдин көп нопус торда беҗирилгән.

Униңдин башқа, уйғур районидики җ х орунлири оқуш пүттүргән оқуғучиларниң һәр түрлүк нопус рәсмийитини беҗириш, өлкә атлап нопус беҗириш, кимлики йүткәнләргә кимлик толуқлап бериш қатарлиқ ишларни тор арқилиқ беҗириватқан болуп, җай атлап нопус рәсмийитини беҗиргили кәлгәнләр өзиниң әсли олтурушлуқ маканиға қайтип рәсмийәт беҗирмисиму болидиған һаләт шәкилләнгән.

Көзәткүчиләрниң қаришиға асасланғанда, хитайниң нопус сиясити әзәлдин чиң болуп кәлгән, әмма уйғур районидики нопус рәсмийәтлириниң бундақ асанлаштурулуши ичкиридин келидиған хитай аққунлири вә ичкиридин иш издәп кәлгән хитай оқуғучилириға қулайлиқ яритип беридикән. Хитай җ х орунлириниң "аммиға қулайлиқ" дәп йолға қойғанлири әмәлийәттә хитай пуқралириға асанлиқ яритиш, уларни уйғур райониға көпләп җәлп қилиш үчүн түзүлгән тәдбирләрдур. Уйғурлар үчүн болса уларни башқуруш, контрол қилиш чарилиридин башқа нәрсә әмәстур. Хитай җ х орунлириниң 2014-йиллири уйғурларға паспорт беҗиришни асанлаштуруп, арқидин уларни йиғивелип лагерға қамиғанлиқи буниң испатидур. Һазир болса уйғурларниң паспорт беҗирип чәтәлләргә чиқиши, чәтәлләрдики уруқ-туғқанлири билән җәм болушини пүтүнләй контрол қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт