Уйғур карханилири уйғур балилириниң ана тил өгинишини қолайлаштуридиған йеңи мәһсулатларни базарға салмақтикән

Мухбиримиз қутлан
2016-09-17
Share


Йеқинқи йиллардин буян, хитай һөкүмитиниң уйғур елида "қош тиллиқ маарип" ни күчәп йолға қоюши арқисида уйғур балилириниң мәктәптики ана тил өгиниш муһитиниң барғансери тарийип бериватқанлиқи мәлум.

Буниң билән ата - анилар, болупму уйғур зиялийлириниң ана тиллиқ маарипқа болған әндишиси барғансери ешип бармақтикән. Һалбуки, бир қисим уйғур карханичилири уйғур миллий маарипи дуч келиватқан бу киризисни тонуп йетип, тиҗарәт билән миллий мәвҗутлуқ тәқәззасини зич бирләштүрүп, йеңи типтики еликтронлуқ балилар мәһсулатлирини базарға салмақтикән.

Игилинишичә, үрүмчидики "валләй" хәлқара сода ширкити, қарлуқ хәлқара сода ширкити, ирпан еликтрон сода чәклик ширкити қатарлиқ миллий карханилар базарға салған ана тил, миллий әнәнә вә миллий мәдәнийәт тәрбийәси елип беришни мәқсәт қилған еликтронлуқ мәһсулатлар уйғурлар тәрипидин қизғин қарши елинмақтикән.

Болупму "валләй" ширкити базарға салған валләй елиббә тахтиси, дана тошқан, билимхумар қончиқи, валләй телефон, валләй дүм - дүм, валләй инжинер, валләй йүрүшлүклири қатарлиқ мәһсулатлар уйғур балилириниң қизғин қарши елишиға еришкән. Оюн билән өгиниш бирләштүрүлгән бу мәһсулатлар нөвәттә чәтәлләрдики уйғур балилириниму җәлп қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт