Korlida 3 yilliq qosh til yeslisini heqsizleshtürüsh pilani inkas qozghidi

Muxbirimiz méhriban
2016-12-06
Share

Da'irilerning Uyghur rayonida qosh til ma'aripini omumlashturush üchün, korla qatarliq jaylarda 2017-yil ichide töt yashtin alte yashqiche bolghan balilar üchün "3 Yilliq qosh til yesli ma'aripi" ni heqsizleshtürüsh pilanini élan qilishi jiddiy inkas qozghidi.

Xitayning "Junggo ma'aripi tori" ning 6-dékabir xewer qilishiche, bayin'gholin aptonom oblastida 6-dékabir seyshenbe küni échilghan "Oblast teweside 3 yilliq qosh tilliq yeslini heqsizleshtürüsh pilani" seperwerlik yighinida, 2016-yil 12-ayning 6-künige qeder korlida oblast boyiche 142 orunda "Qosh tilliq yesli" qurulup, yeslilerdiki balilar sanining 3963 neperge yetkenliki, hazirghiche 330 neper qosh tilliq yesli oqutquchisi terbiyilen'genliki, 2017-yilliq pilanda pütün oblast boyiche 4 yashtin 6 yashqiche bolghan gödeklerdin 11 ming 678 balini 3 yilliq qosh tilliq yeslilerde heqsiz oqutush emelge ashuridighanliqi otturigha qoyulghan.

Mezkur xewer xitay hökümitining Uyghurlargha qarita yürgüzüwatqan qosh til ma'aripini "Uyghur tili ma'aripini omumyüzlük xitaychilashturush" siyasiti dep tenqidlep kéliwatqan chet'ellerdiki Uyghur teshkilatliri, kishilik hoquq teshkilatliri we Uyghur ziyaliylirining jiddiy diqqitini qozghidi. Bu heqte radiyomizgha pikir bayan qilghan Uyghur ziyaliyliridin ilgiri ürümchidiki melum uniwérsitétta oqutquchiliq qilghan eniwer ependi "Qosh til ma'aripining yeslilergiche kéngeytilip, heqsiz oqutush namida omumlashturulushi, xelq'ara ma'arip qanuni, hetta xitayning özining ma'arip qanunigha xilap qilmish. Bu xil yüzlinish Uyghur gödeklirini 7 yashqiche ariliqta a'ilide ana til öginidighan muhitidinmu ayriwétip, Uyghur ewladlirini ana til we milliy örp-adet terbiyisidin mehrum qilish siyasiti" dep eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet