Teshwiqatchi qurbanjan semet béyjing ayrodromida xitay saqchilirining soraq-so'allirigha duch kelgen

Muxbirimiz qutlan
2015-12-21
Share

Ündidar we féysbuk qatarliq ijtima'iy taratqulardin melum bolushiche, "Men shinjangdin keldim" namliq kitabning aptori qurbanjan semet chet'eldiki teshwiqat sepiridin qaytishida béyjing ayrodromida tutup qélinip xitay saqchilirining soraq-so'allirigha duch kelgen.

Béyjing ayrodromining pasport kontrolidiki saqchilarning qurbanjan semetni ayrim öyge élip kirip tekshürüwatqan körünüshi tartilghan resim tünügündin buyan ijtima'iy taratqularda keng tarqalmaqta.

Melumki, "Men shinjangdin keldim" namliq kitabi bilen xitay teshwiqat sahesidiki dangdar shexske aylan'ghan qurbanjan semet bu yil yazdin buyan amérika, yaponiye, türkiye, misir we yawropa elliride aylinip yürüp teshwiqat léksiyesi sözligen.

Uning léksiyeliride xitay hökümitining milletler siyasitidiki atalmish ewzellikliri shundaqla bir qisim Uyghurlarning bu "Ewzellik" tin qandaq paydilinip öz ghayilirini ré'allashturghanliqi heqqidiki teshwiqatlar sözlen'gen.

Közetküchiler, xitay hökümitining siyasiy teshwiqati üchün dumbaq chéliwatqan qurbanjan semettek shexslerningmu béyjing ayrodromida tutup qélinip soraq qilinishi xitay üchün her qandaq Uyghurning guman obyékti hésablinidighanliqini chüshendürüp béridu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet