Хитайда “H5N6” қуш зукими вируси билән юқумланған бир аял һаятидин айрилди

Мухбиримиз меһрибан
2016.01.05
Share on WhatsApp
Share on WhatsApp

Хитайда “H5N6” қуш зукими вируси билән юқумланған бир аял һаятидин айрилди. Хитайниң шинхуа агентлиқиниң 5-январдики хәвиридә көрситилишичә, бултур йил ахирида йәни 30-декабир күни шенҗен шәһиридә “H5N6” вируси билән юқумланған 26 яшлиқ бир аял дохтурханида давалиниватқан мәзгилидә һаятидин айрилған.

Хәвәрдә илгири сүрүлүшичә, “H5N6” вируси сәвәнлик һаятидин айрилған бу аялға кесәл әмәк һайванлардин юққан. Хәвәрдә йәнә гуаңдуңниң савчиң шәһиридә охшаш вирус билән юқумланған 40 яшлиқ йәнә бир аялниңму нөвәттә һаяти хәвп астида икәнлики тилға елинған.

Хәвәрләрдә йеқинқи йилларда шәрқий җәнубий асия дөләтлиридә қуш зукими вируси билән юқумланғанларниң көпәйгәнлики илгири сүрүлгән болуп, 2014-йили 5-ай мәзгилидә “H5N6” вирусиға мунасивәтлик тунҗи вәқә хитайниң сичүән өлкисидә көрүлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.