2017-Йили икки ай ичидә хитайда қуш зукимида өлгәнләр 87 гә йәтти

Мухбиримиз меһрибан
2017.02.21
Share on WhatsApp
Share on WhatsApp

Хитай хәвәрлиридин мәлум болушичә, 2017-йили йеңи йилдин 2-айниң 21-күнигичә болған арилиқта хитайда H7N9 типлиқ қуш зукимида юқумлинип өлгәнләр сани шиддәт билән көпийип 87 нәпәргә йәткән.

Хәвәрдә, хитай сәһийә министирлиқиниң хәвири нәқил елинип, H7N9 типлиқ қуш зукиминиң чаңҗяң дәряси вә җуҗяң дәряси делтисини асас қилип, җәнубий җуңго районидики өлкиләрдә тарқиливатқанлиқини, шуңа гуаңдуң қатарлиқ бирқанчә өлкидә 2-айниң 16-күнидин башлап 13 күн ичидә өй қушлири базарлирида тоху, өрдәк қатарлиқ тирик өй қушлириниң сетилиши чәкләнгәнликини, тәкшүрүштин өтмигән тоху, өрдәк қушлириниң гөши вә тухумлириниң сетиштин тохтитилғанлиқини хәвәр қилди.

Хитайниң һөкүмәт хәвәрлиридә, гәрчә йеңи йилдин кейин уйғур дияри қатарлиқ ғәрбий шималдики районларда H7N9типлиқ қуш зукимида юқумланған вә өлгәнләр сани һәққидә санлиқ мәлумат елан қилинмиған болсиму, әмма 1-айдики хитай хәвәрлиридә уйғур аптоном районидики үрүмчи, ғулҗа, шихәнзә қатарлиқ шәһәрләрдә өй қушлири фермелирида тоху, өрдәкләрниң юқумлинип өлүш вәқәлири йүз бәргини үчүн, тирик өй қушлири содиси чәкләнгәнлики хәвәр қилинған иди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.