2017-Yili ikki ay ichide xitayda qush zukimida ölgenler 87 ge yetti

Muxbirimiz méhriban
2017.02.21
Share on WhatsApp
Share on WhatsApp

Xitay xewerliridin melum bolushiche, 2017-yili yéngi yildin 2-ayning 21-künigiche bolghan ariliqta xitayda H7N9 tipliq qush zukimida yuqumlinip ölgenler sani shiddet bilen köpiyip 87 neperge yetken.

Xewerde, xitay sehiye ministirliqining xewiri neqil élinip, H7N9 tipliq qush zukimining changjyang deryasi we jujyang deryasi déltisini asas qilip, jenubiy junggo rayonidiki ölkilerde tarqiliwatqanliqini, shunga gu'angdung qatarliq birqanche ölkide 2-ayning 16-künidin bashlap 13 kün ichide öy qushliri bazarlirida toxu, ördek qatarliq tirik öy qushlirining sétilishi cheklen'genlikini, tekshürüshtin ötmigen toxu, ördek qushlirining göshi we tuxumlirining sétishtin toxtitilghanliqini xewer qildi.

Xitayning hökümet xewerliride, gerche yéngi yildin kéyin Uyghur diyari qatarliq gherbiy shimaldiki rayonlarda H7N9tipliq qush zukimida yuqumlan'ghan we ölgenler sani heqqide sanliq melumat élan qilinmighan bolsimu, emma 1-aydiki xitay xewerliride Uyghur aptonom rayonidiki ürümchi, ghulja, shixenze qatarliq sheherlerde öy qushliri férmélirida toxu, ördeklerning yuqumlinip ölüsh weqeliri yüz bergini üchün, tirik öy qushliri sodisi cheklen'genliki xewer qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.