Ili rayonidiki öy qushliri arisida qush zukimi tarqalghanliqi ashkarilandi

Roytérs agéntliqining 27-dékabirdiki xewiride ashkarilinishiche, ili rayonida qush zukimida yuqumlan'ghan 55 ming toxuning bir terep qilin'ghan. Xewerde xitay sehiye ministirliqi bayanatidin neqil élinip, Uyghur aptonom rayonida yéqinda yüz bergen 16 ming dane öy qushining tuyuqsiz yuqumlinish weqesidin kéyin bu xil tedbir élin'ghanliqi ilgiri sürülgen.

Xitay sehiye ministirliqi hökümet tori we ili oblastining yerlik hökümet taratquliridimu yéqinda ghulja shehiri etrapidiki yézilarda H5N6 tipliq qush zukimi wirusi tarqilip, 10 mingdin artuq öy qushining ölgenliki we yerlik hökümetning jiddiy tedbir élip, déhqanlar béqiwatqan öy qushliri arisida qush zukimi wirusining yenimu keng tarqilishining aldi élin'ghanliqi xewer qilindi.

Yene bashqa xewerlerdin melum bolushiche, bu yil qish mezgilide xitayda öy qushliri, hetta ademlerning qush zukimi wirusi bilen yuqumlinish nisbiti qaytidin örligen. Yéqinda élan qilin'ghan xewerlerde, bu yil qish pesli kirgendin buyan xitayda eng az dégende 7 kishining H7N9 tipliq qush zukimi wirusi bilen yuqumlinip ikki kishining ölgenliki tilgha élin'ghan idi.