Rabiye qadir xanimning resimi 114 neper dunyawi kishilik hoquq rehberlirining süret toplimigha kirgüzüldi

Muxbirimiz shöhret hoshur
2016.12.21
Share on WhatsApp
Share on WhatsApp

Shiwétsiyede pa'aliyet élip bériwatqan bir kishilik hoquq körgezme guruppisi ötken hepte sitokholmda bir pa'aliyet ötküzüp kishilik hoquq saheside dunyagha tonulghan we tesir körsetken nélson mandila, kofiy annan, dalay lama, shirin adabiy qatarliq 114 neper rehber we pa'aliyetchining süretlirini körgezme qilghan. Körgezmide Uyghur milliy herikiti rehbiri rabiye qadir xanimning resimimu orun alghan.

Mezkur körgezme guruppisining rabiye qadir xanimgha yazghan tebrik xétide bayan qilinishiche, rabiye xanimning körgezmige qoyulghan resimi, u 2010‏-yili “Oslo erkinlik munbiri” namliq pa'aliyetke qétilghan mezgilde, shiwétsiyediki dangliq fotograf albert wiking ependi we uning yardemchisi térésa karilson xanim teripidin tartilghan.

Dunya Uyghur qurultiyining mu'awin re'isi ömer qanat ependining bildürüshiche, “Bizning arzu-armanlirimiz” namidiki mezkur körgezme 2016 we 2018-yilliri arisida shiwétsiyede seyyare körsitilgendin kéyin, amérikidimu körsitilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.