Séda larung budda institutining chéqilishigha narazi bolghan rahibe ölüwalghan

Muxbirimiz méhriban
2016-09-05
Share

Boshün torining 5-séntebir chet'ellerdiki tibet teshkilatliri xewiridin neqil élip xewer bérishiche, sichüendiki séda larung budda institutidiki ayal rahibe ölüwélish arqiliq institutning chéqilishigha naraziliqini bildürgen.

Weqe bu yil 8-ayning 17-küni yüz bergen bolup, mezkur mektepning sichüen ölkisi abiy oblasti xungyüen nahiyisi miwa yézisidin kelgen 20 yashliq rahibe sérin juma özini ésip ölüwalghan. Sérin juma qaldurghan wesiyet xétide da'irilerning mektepni retlesh namida institut binalirini mejburiy chéqishi we oqughuchilarni qisqartishigha naraziliqini ipadiligen.

Xitay we xelq'ara taratqularning xewerliridin melum bolushiche, 2015-yili 8-ayning 24-, 25-künliri xitayda échilghan diniy ishlar yighinida séda larung budda institutini retlesh qarari élin'ghan.

Bu yil 4-ayda sichüen ölkilik hökümet höjjet chiqirip, 2017-yilgha qeder mezkur mekteptiki oqughuchilar sanini 5000 neper ichide kontrol qilidighanliqini élan qilip, mekteptiki bir türküm oqughuchilarning qisqartilidighanliqi we mekteptiki bezi qurulushlarning chéqilidighanliqini uqturghan. 20-Iyul küni mektepte oqughuchilarni öz yurtigha mejburiy qayturush we bir qisim qurulushlarni chéqish ishini resmiy bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet