Хитай әмәлдари җу хәйлүн рамизан мәзгилидики муқимлиқ йиғинини хотәндә ачти

Мухбиримиз меһрибан
2017.05.30

29-Май йәни дуня мусулманлири рамизанни башлап 3-күни уйғур аптоном районлуқ парткомниң муавин башлиқи җу хәйлүнниң уйғур райониниң муқимлиқини қоғдаш сәпәрвәрлик йиғинини хотәндә ечиши чәтәлләрдики уйғур тәшкилатлири вә паалийәтчилириниң җиддий диққитини қозғиди.

Хитай таратқулиридин хәлқ гезитиниң 30-майдики хәвиридә йәнә, җу хәйлүн хотәндә муқимлиқни қоғдаш сәпәрвәрлик йиғини ачқан мәзгилдә үрүмчи, қәшқәр қатарлиқ җайлардиму қәсәмяд бериш йиғини өткүзүш, һөкүмәт кадирлири ипадә билдүрүш һәрикити күчәйтилгәнлики тилға елинди. Хәвәрдә дейилишичә, җу хәйлүн “хотән, қәшқәр қатарлиқ җәнубий уйғур райониниң муқимлиқини қоғдаш пүткүл уйғур дияриниң муқимлиқи вә “бир бәлвағ, бир йол” қурулушиниң капалити икәнликини тәкитләп, бу җайларда аталмиш “бөлгүнчи күчләр” гә техиму қаттиқ зәрбә бериш вә бу һәрикәтни “омумий хәлқ урушиға айландуруш” ни тәләп қилған.

Чәтәлләрдики уйғур паалийәтчилиридин америка уйғур бирликиниң рәиси елшат һәсән әпәндиниң қаришичә, “җу хәйлүнниң муқимлиқни қоғдаш сәпәрвәрлик йиғинини уйғурлар нопуси зич, әмма хитайда әң намрат районларниң бири дәп тонулған хотәндә ечиши, мәзкур районда уйғурларниң йиллардин буян давамлишиватқан қаршилиқ һәрикәтлириниң көп һәм шиддәтлик болуши, һәр хил йоллар арқилиқ ғәрб демократик дөләтлиригә вә оттура шәрқ дөләтлиригә берип панаһлиқ тиләватқан уйғурларниң көп болуши қатарлиқ түрлүк амиллар сәвәб болған болуши мумкин.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.