Pakistan bilen rusiye birleshme herbiy manéwir ötküzidighanliqini jakarlidi

Pakistan herbiy da'irilirining jüme küni ashkarilishiche, pakistan bilen rusiye mushu ay ichide birleshme herbiy manéwir ötküzüshni qarar qilghan.

Bu, soghuq munasiwetler urushi dewridiki bu ikki riqabetchi döletning élip barghan tunji herbiy manéwiri.

Pakistan armiyisining bayanatchisi général léytnant asim bajwa, manéwirgha qatnishidighan rusiye quruqluq qisimlirining shenbe küni bashlinidighan ikki heptilik manéwir üchün pakistan'gha yétip kelgenlikini bildürgen.

Pakistan soghuq munasiwetler urushi dewride amérikigha yardemliship, sowét qizil armiyisining afghanistandiki ishghaliyitige qarshi “Mujahidlar” ni qoral -yaraq we arqa sep bilen teminligen asasliq dölet idi.

Bu dewrde, sowét ittipaqi pakistanning düshmini-hindistan bilen zich munasiwet qurghan. Halbuki, amérika pakistanning yéqin ittipaqdishi idi.

Roytérs agéntliqining jüme küni bergen xewiride qeyt qilishiche, pakistan-rusiye herbiy manéwiri jenubiy asiyada ittipaqdashliq munasiwetliridiki özgirishning yene bir alamiti iken. Pakistan “Alahide munber” géziti, manéwirgha her bir dölet 200 din esker qatnishidighanliqini bildürgen.