Софи ричардсон: "әмисә немигә қарап турисиләр?"

Мухбиримиз җәвлан
2021-08-04
Share

Бирләшкән дөләтләр тәшкилати кишилик һоқуқ комиссари мишел бачилет 3-авғуст тиветтирда учур берип "ирқий қирғинчилиқ, инсанийәткә қарши җинайәт, уруш җинайити, таҗавузчилиқ қатарлиқларниң һәммиси инсанийәтниң ядролуқ қиммәт қарашлирини дәпсәндә қилидиған җинайәт һесаблиниду; дуняниң тинчлиқи вә сиҗил тәрәққиятиға еғир бузғунчилиқ қилиду. Биз чоқум дуня миқясида адаләтни тәләп қилишимиз, җинайәтчиләрдин һесаб сораш механизми бәрпа қилишимиз лазим" дегән.

Кишилик һоқуқни көзитиш тәшкилатиниң хитай ишлири мәсули софи ричардсон буниңға җаваб берип: "әмисә немигә қарап турисиләр?" дегән.

Мәлум болғинидәк, бирләшкән дөләтләр тәшкилати хитайниң йиллардин бери уйғур районида елип бериватқан ирқий қирғинчилиқ җинайитигә сәл қарап келиватқан болуп, бу тәшкилаттики кишилик һоқуқ кеңишиму хитай вә униң қоллиғучилириниң чирайиға қарап иш тутуп кәлгән. Тивиттерда берилгән баһалардин қариғанда, софи ричардсон ханимниң бу җаваби мәзкур тәшкилатниң кишилик һоқуқни қоғдаш җәһәттә һечқандақ әмәлий қәдәм алмиғанлиқиға қоюлған соал икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт