Adwokat reyhan eset amérikaning b d t da turushluq bash elchisi bilen körüshken

Muxbirimiz jewlan
2021.05.12

Amérikaning birleshken döletler teshkilatida turushluq bash elchisi linda tomas xanimning 12-may küni yollighan tiwittéridin melum bolushiche, u 11-may küni adwokat we kishilik hoquq pa'aliyetchisi reyhan eset bilen körüshüp, ekber eset we shuninggha oxshash lagér qurbanlirini qutuldurushqa tirishidighanliqini bildürgen. U mundaq dégen: “Men bügün adwokat we Uyghur kishilik hoquq pa'aliyetchisi reyhan eset bilen körüshtüm. U shinjangdiki qorqunchluq kishilik hoquq depsendichilikini ashkarilash iradisige keptu, bu uning prinsipchanliqi we baturluqini körsitidu. Biz uning inisi ekber eset we shuninggha oxshash ziyankeshlikke uchrighuchilargha choqum yardem bérishimiz kérek”.

Reyhan eset linda tomas xanimning tiwéttérini hembehirligen we öz tesiratini bildürüp mundaq dégen: “Tönügün men shereplik halda bash elchi tomas xanim bilen körüshtüm. Mushundaq qiyin künlerde u manga chongqur hésdashliq qildi, men buningdin nahayiti tesirlendim. Men inim ekber esetning béshigha kelgen wehshiy qiyin-qistaqlarni anglattim, u bu hékayemni köngül qoyup anglidi”.

Reyhan esetning inisi ekber eset xitay da'iriliri teripidin 15 yilliq késilgendin kéyin aqsugha yötkelgen bolup, reyhan eset bu heqte muxbirimizgha bergen melumatida özining ekberdin qattiq ensirewatqanliqini we uni qutuldurup chiqishqa tirishiwatqanliqini, xelq'ara yighinlargha qatniship, inisi ekber we shuninggha oxshash milyonlighan Uyghurning lagér azabidin qutulushi üchün heriket qiliwatqanliqini éytqanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.