Рик скот: «хитай биз үчүн шерик әмәс, бәлки рәқибтур!»

Мухбиримиз әзиз
2020-05-13
Елхәт
Пикир
Share
Принт

Америка кеңәш палатасиниң әзаси рик скот 13-май күни «гуй бенсон сөһбити» намлиқ телевизийә программисида сөз қилип бу қетим пүткүл американи еғир балайиапәткә учратқан таҗсиман вирусиға дуня сәһийә тәшкилатиниң җавабкар болуши лазимлиқини, шундақла хитай һөкүмитиниң вирусқа мунасивәтлик учурларни йошуруши түпәйлидин дуня бойичә нәччә йүз миң инсанниң һаяти набут болғанлиқини тәкитлиди.

У бу җәһәттә қәтий вә үзел-кесил тәкшүрүшниң муһимлиқини тәкитләп: «мән хитай һөкүмити бу қетимқи вабаниң вә вирусниң әһвали һәққидә баштила ениқ мәлуматларға игә болуп болған. Әмма улар буни ғәрәзлик һалда йошурған, дәп қараймән» дегән.

У йәнә дуня сәһийә тәшкилатиниң хитай һөкүмити үчүн тәшвиқат қорали болуп кәлгәнлики, хитайниң вирусниң мәнбәси һәққидә изчил ялған ейтиватқанлиқини буниңдики йәнә бир муһим амил қатарида тилға алған.

Рик скот бу тоғрисида мухбирниң соаллириға җаваб берип: «биз һазир шуни очуқ көрүп йәттуқки, хитай компартийиси контроллуқидики хитай биз үчүн һечқандақ иқтисадий шерик әмәс, әксичә биз үчүн бир чоң рәқиб» деди. У бу қетимқи мәсулийәтниң һесабатини елиш билән биргә бу һалға хатимә беришниң әң үнүмлүк вә тез чариси америкалиқлар хитайда ишләнгән һечқандақ мални алмаслиқ, дәп көрсәтти.

Пикирләр (0)
Share
Толуқ бәт