Uyghur pa'aliyetchi roshen abbas musulman dunyasini Uyghurlarni qoghdashqa chaqirdi

Muxbirimiz jüme
2020-09-06
Élxet
Pikir
Share
Print

"Chong xewerler tori" namliq xewer agéntliqining xewer qilishiche, amérikagha jaylashqan Uyghur herikiti teshkilatining diréktori roshen abbas xanim xelq'ara islam hemkarliq teshkilati we bashqa musulman ellirini xitay we pakistanning Uyghurlargha qiliwatqinigha sep sélishqa chaqirghan.

U bu heqte élan qilghan widéyo bayanatida, xitayning Uyghur musulmanlar üstidin yürgüzüwatqan qirghinchiliq siyasitigemusulman dunyasining köz yumghanliqini eyibligen.

U mundaq dégen: "Eksiche Uyghurlarning nidasi nezerdin saqit qilindi yaki inawetsizlendürüldi. Del shu waqitning özide, xitay teshwiqatlirigha qarighularche ishench baghlandi."

U yene xitayning 3 milyondin artuq Uyghurlarni yighiwélish lagérlirigha tashlan'ghanliqi, ularning diniy étiqadining qanunsizlashturulghanliqi, balilarning ata-aniliridin mejburiy tartip élin'ghanliqi, ayallarning ayagh asti we mejburiy tughmas qilin'ghanliqini éytqan.

Roshen abbas, Uyghurlarning yuqiriqidek zulumlargha muptila qilin'ghandin bashqa yene "Nayki", "Zara", "Kalwin klayn" qatar dunyawi markilarning mehsulatlirini qul emgiki bilen ishleshke zorlan'ghanliqini éytqan. 

U shundaq turuqluqmu musulman ellirining hélihem sükütte turuwatqanliqini eyibligen we mundaq dégen: "U ellerdiki musulmanlar bizning qérindashlirimiz. Ularning zuwan sürmesliki yürikimizge xenjer urghandek tuyuldi." 

Amérika qatarliq gherb elliri xitayning Uyghurlargha yürgüzüwatqan zulum siyasitini qattiq eyiblep uni toxtitishqa chaqirghanda, amérikining qarshi sepide turup xitayning Uyghurlargha qaratqan basturush siyasetlirini qollighan ellerning köpinchisi se'udi erebistan qatarliq nopuzluq musulman döletliri idi.

Toluq bet