Rusiye b d t kishilik hoquq kéngishidin chiqiriwétilgen
Birleshken döletler teshkilati omumiy kéngishi 7-april küni bélet tashlap, rusiyening ukra'inada “Kishilik hoquqni éghir we sistémiliq depsende qilghanliqi” sewebidin, b d t kishilik hoquq kéngishidin waqitliq chiqiriwétilgenlikini jakarlighan.
Omumiy kéngeshtiki bilet tashlashqa 193 dölet qatnashqan bolup, 93 döletning qollishi, 24 döletning ret qilishi we 58 döletning awaz bérishtin waz kéchishi netijiside rusiyeni b d t kishilik hoquq kéngishidin waqitliq chiqiriwétish qarar qilin'ghan. Xitay bolsa buninggha qarshi awaz bergen döletlerning qatarida iken.
Mezkur qarar dunyaning herqaysi jayliridiki kishilik hoquq qollighuchilirining küchlük alqishigha érishken, ular buni “Tarixiy weqe” dep bahalighan.
Roytérs agéntliqining xewer qilishche, rusiyening b d t da turushluq mu'awin bash elchisi génnadi kuzmin bélet tashlashtin kéyin söz qilip, bu heriketni “Qanunsiz we siyasiy meqset chiqish qilin'ghan qedem” dep eyibligen. U rusiyening b d t kishilik hoquq kéngishidin pütünley chiqip kétidighanliqini bildürgen.
Amérikaning birleshken döletler teshkilatida turushluq bash elchisi linda tomas-girinféld bu heqte inkas qayturup: “Birleshken döletler teshkilati ziyankeshlikke uchrighuchilarning azab-oqubetlirige qarap turmaydighanliqi toghrisida éniq signal berdi,” dégen.
Rusiyening mutleq köp qisim döletlerning ortaq iradisi netijiside b d t kishilik hoquq kéngishidin qoghlap chiqirilishi bilen teng, az dégende bir milyondin oshuq Uyghurni lagérlargha qamighan xitayningmu kishilik hoquq kéngishidin qoghlap chiqirilishi kérekliki heqqidiki choqan we chaqiriqlar otturigha chiqmaqta.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
