Putinning prézidéntliqqa saylinishi xitayning qizghin tebriklishi, gherb ellirining soghuq mu'amilisige uchridi

Muxbirimiz erkin
2018-03-19
Share

Rusiyede ötküzülgen prézidént saylimida wladimir putin qayta prézidéntliqqa saylandi. U saylam bélitining az kem 77% ge ériship, yene 6 yil wezipide olturush hoquqigha érishken.

B b s ning xewer qilishiche, putinning saylamda ghelibe qilishi xitayning qizghin tebriklishige érishken bolsimu, lékin gherb döletlirining soghuq mu'amilisige uchrighan.

Xitay re'isi shi jinping düshenbe küni putin'gha derhal tebrik télégrammisi ewetip, uni tebrikligen. U tebrik télégrammisida rusiye-xitay istratégiyelik shériklik munasiwitining “Tarixtiki eng yaxshi mezgil”de turuwatqanliqini tekitlep, rusiyening putin dewride qolgha keltürgen “Netijiliri”ge yuqiri baha bergen.

Rusiye bu qétimqi prézidéntliq saylimi bilen xitay xelq qurultiyining memliketlik yighini oxshash mezgilde ötküzüldi. Putin düshenbe küni prézidéntliqqa saylinishtin ikki kün awwal xitay xelq qurultiyi shi jinpingning dölet re'islikige saylan'ghanliqi élan qilin'ghan.

Putin shi jinpinggha tebrik télégrammisi ewetip, uni tebrikligen idi. Lékin b b s ning bildürüshiche, putinning qayta prézidéntliqqa saylinishi rusiye bilen gherbning munasiwiti yamanliship ketken mezgilge toghra kelgen.

Yéqinda en'gliyede rusiyelik sabiq bir jasusni zeherlesh weqesi yüz bérip, gherb bilen rusiyening munasiwiti téximu jiddiyliship ketken.

Gérmaniye tashqi ishlar ministiri ma'as, rusiyediki saylamning adil bolmighanliqini bildürgen. U, rusiyening alaqe qilish müshkül bir dölet ikenlikini tekitligen.

Putin 1999‏-tartip hazirghiche izchil bash ministir yaki prézidéntliq wezipisini atqurup kelmekte.

Kishilik hoquq közitish teshkilati yéqinda élan qilghan bir doklatida, putin we shi jinpinggha oxshash rehberler dunyada istibdatliqning küchiyip, kishilik hoquq, démokratiyening chékinip kétishige seweb boluwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet