Русийидики сайламда һакимийәттики партийиниң ғәлибә қилиши мумкин

Мухбиримиз үмидвар
2016-09-18
Share


Йәкшәнбә күнидә русийидә парламент сайлими өткүзүлди. Ройтерсниң хәвәр қилишичә, дәсләпки қәдәмдики сайлам нәтиҗисидә, президент владимир путин рәһбәрликидики һакимийәт бешида туриватқан "бирләшкән русийә" партийисиниң сайламда ғәлибә қилиши, йәни парламентта көп орунни игилиши җәзимләшкән.

Бу қетимқи парламент сайлимида пүтүн русийә миқясидики 11 сайлам районидин җәмий 110 милйон адәм беләт ташлаш үчүн өзини тизимлатқан.

Русийә парламентида 450 орун тәсис қилинған болуп, башқа өктичә партийиләрму парламентта мәлум орунни игиләшни үмид қилидикән.

Парламенттики мәзкур 450 орунниң 225 ни һәр қайси партийиләр тәрипидин көрситилгәнләр игилисә, қалған орунни русийәниң һәр қайси өлкә вә җумһурийәтлири тәрипидин көрситилип, сайланғанлар игиләйдикән.

Русийидә өткүзүлгән бу қетимқи парламент сайлиминиң 2018 - йили өткүзүлидиған президент сайлимиға тәсир көрситиши, җүмлидин владимир путинниң йәнә бир нөвәт президент болушидики сайлам паалийәтлиридә муһим рол ойниши пәрәз қилинмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт