Rusiyidiki saylamda hakimiyettiki partiyining ghelibe qilishi mumkin

Muxbirimiz ümidwar
2016-09-18
Share


Yekshenbe künide rusiyide parlamént saylimi ötküzüldi. Roytérsning xewer qilishiche, deslepki qedemdiki saylam netijiside, prézidént wladimir putin rehberlikidiki hakimiyet béshida turiwatqan "Birleshken rusiye" partiyisining saylamda ghelibe qilishi, yeni parlaméntta köp orunni igilishi jezimleshken.

Bu qétimqi parlamént saylimida pütün rusiye miqyasidiki 11 saylam rayonidin jem'iy 110 milyon adem bélet tashlash üchün özini tizimlatqan.

Rusiye parlaméntida 450 orun tesis qilin'ghan bolup, bashqa öktiche partiyilermu parlaméntta melum orunni igileshni ümid qilidiken.

Parlaménttiki mezkur 450 orunning 225 ni her qaysi partiyiler teripidin körsitilgenler igilise, qalghan orunni rusiyening her qaysi ölke we jumhuriyetliri teripidin körsitilip, saylan'ghanlar igileydiken.

Rusiyide ötküzülgen bu qétimqi parlamént saylimining 2018 - yili ötküzülidighan prézidént saylimigha tesir körsitishi, jümlidin wladimir putinning yene bir nöwet prézidént bolushidiki saylam pa'aliyetliride muhim rol oynishi perez qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet