Süriyege uchqan rusiye ayropilani qazagha uchrap 92 adem öldi

Muxbirimiz ümidwar
2016-12-25
Share


25-Dékabir küni rusiyening "Tu-154" tipliq bir herbiy ayropilani qara déngiz boyidiki sochi shehiridin uchup, anche uzun ötmeyla radardin yütüp ketken we bu ayropilanning qara déngizgha chüshüp ketkenliki melum bolghan.

Rusiyening intérfakis agéntliqining xewer qilishiche, ayropilan sochidin ayrilip, ikki minuttin kéyinla radardin ghayip bolghan we uchquchi töwen'ge héchqandaq signal bérishkimu ülgürmigen. Ayropilanda 92 adem bar bolup, mezkur herbiy ayropilan süriyege qarap uchqan idi. Ayroplanda aléksandrow namidiki herbiy sen'et ömikining 60 neper artisi bar bolup, ular süriyediki rusiye herbiy bazisigha bérip, rusiye herbiylirining yéngi yilni kütüwélish pa'aliyitige qatnashmaqchi iken. Bu ayroplanda bulardin bashqa yene rusiyening bir qanche téliwiziye istansisining sin guruppisimu bar iken.

Hazir, weqe yüzbergen 10 kilométir da'iridiki déngiz rayonida 27 paraxot, töt tik uchar ayropilan izdeshni bashlighan bolup, buninggha 3000 din artuq adem qatnashqan. Hazirghiche, ölgen 10 ademning jesiti suzüwélin'ghan.

Prézidént putin bash ministiri médwédéwqa bu weqeni éniqlash komissiyisi qurushni tapshurghan. Bu weqe heqqide hazir her xil qiyaslar mewjut bolsimu, emma yene ayropilanning hawada partlap ketkenlik éhtimalliqimu ilgiri sürülmekte iken.

Rusiye terp 26-dékabir künini dölet boyiche matem küni qilip békitken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet