Русийә имбаргоси түркийә - русийә иқтисадиға сәлбий тәсир көрсәтмәктә

Мухбиримиз үмидвар
2016-01-03
Share


Түркийиниң өткән йили 11 - айда русийә су - 24 типлиқ бомбардиманчи айропиланини етип чүшүрүш вәқәсидин кейин шәкилләнгән икки дөләт йирик мунасивәтлири нәтиҗисидә, русийәниң түркийәгә қаратқан имбаргоси икки дөләт арисидики иқтисадий мунасивәтләргә тәсир көрситиватқанлиқи оттуриға қоюлмақта

Б б с агентлиқиниң хәвәр қилишичә, русийә түркийигә қарши имбарго елан қилғандин буян түркийә иқтисадиға мәлум дәриҗидә сәлбий тәсир көрсәткән болуп, түркийә иқтисадшунаси әрхан асланоғлу русийә имбарогисниң түркийә иқтисадиға көрситидиған тәсириниң қисқа муддәтлик икәнликини, әмма узун давамлашмайдиғанлиқи, бәлки бу тәсир түпәйлидин түркийә иқтисадиниң 10 милярд доллар йоқитиши мумкинликини оттуриға қойған.

Русийә түркийәдин мәв вә көктатлар, тоху гөши вә туз импорт қилиш, түркийигә саяһәткә бериш, түркийә қурулуш ширкәтлириниң русийә иш елип бериши қатарлиқ саһәләргә чәклимиләр қойған. Русийә тәрәп, униңдин башқа йәнә русийәгә берип ишләйдиған түркийә пуқралириғиму чәк қойған.

Түркийә русийә саяһәтчилири әң коп баридиған мәмликәт болуп, русийәдин һәр йили түркийигә берип дәм алидиғанларниң сани наһайити көп икән. 2014 - Йили 3.3 Милйон русийәлик, түркийәгә барған. Әгәр русйә бу саяһәт ишлирини тохтитип қоюлса, түркийә үчүн 3.5 Милярд доллар зиян келидиғанлиқи пәрәз қилинған.

Лекин, русийә имбаргосиниң түркийә иқтисадиғила әмәс бәлки русийәгиму тәсир көрситидиғанлиқи оттуриға қоюлмақта. Түркийә авази радийосиниң русийәниң “россия 24” телевизийә қанилида сөз қилған русийә иқтисад вә тәрәққият ишлири министири алексәй улюкайевниң, түркийәгә йүргүзүлгән имбаргониң русийә иқтисадиғиму сәлбий тәсир көрсәткәнликини ейтқанлиқини хәвәр қилди. Алексәй улюкайев сөзидә “мәсилән саяһәт саһәсигә охшаш бәзи саһаләрдә имбаргониң әкси тәсирини очуқ көрүвалғили болиду” дегән һәмдә бу имбаргониң мевә - көктат базириниңму сәлбий тәсиргә учриғанлиқини қәйт қилған. Мәлум болушичә, түркийә узун йиллардин буян русийәниң асаслиқ мәвә - көк тат билән тәминләш мәнбәсигә айланған болуп, бу хил мәһсулатларға чәк қоюлғанда русийә аһалисиниң иқтисадий вә мадди турмушиғиму күчлүк тәсир пәйда қилидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт