Rusiye imbargosi türkiye - rusiye iqtisadigha selbiy tesir körsetmekte

Muxbirimiz ümidwar
2016-01-03
Share


Türkiyining ötken yili 11 - ayda rusiye su - 24 tipliq bombardimanchi ayropilanini étip chüshürüsh weqesidin kéyin shekillen'gen ikki dölet yirik munasiwetliri netijiside, rusiyening türkiyege qaratqan imbargosi ikki dölet arisidiki iqtisadiy munasiwetlerge tesir körsitiwatqanliqi otturigha qoyulmaqta

B b s agéntliqining xewer qilishiche, rusiye türkiyige qarshi imbargo élan qilghandin buyan türkiye iqtisadigha melum derijide selbiy tesir körsetken bolup, türkiye iqtisadshunasi erxan aslanoghlu rusiye imbarogisning türkiye iqtisadigha körsitidighan tesirining qisqa muddetlik ikenlikini, emma uzun dawamlashmaydighanliqi, belki bu tesir tüpeylidin türkiye iqtisadining 10 milyard dollar yoqitishi mumkinlikini otturigha qoyghan.

Rusiye türkiyedin mew we köktatlar, toxu göshi we tuz import qilish, türkiyige sayahetke bérish, türkiye qurulush shirketlirining rusiye ish élip bérishi qatarliq sahelerge cheklimiler qoyghan. Rusiye terep, uningdin bashqa yene rusiyege bérip ishleydighan türkiye puqralirighimu chek qoyghan.

Türkiye rusiye sayahetchiliri eng kop baridighan memliket bolup, rusiyedin her yili türkiyige bérip dem alidighanlarning sani nahayiti köp iken. 2014 - Yili 3.3 Milyon rusiyelik, türkiyege barghan. Eger rusye bu sayahet ishlirini toxtitip qoyulsa, türkiye üchün 3.5 Milyard dollar ziyan kélidighanliqi perez qilin'ghan.

Lékin, rusiye imbargosining türkiye iqtisadighila emes belki rusiyegimu tesir körsitidighanliqi otturigha qoyulmaqta. Türkiye awazi radiyosining rusiyening “Rossiya 24” téléwiziye qanilida söz qilghan rusiye iqtisad we tereqqiyat ishliri ministiri aléksey ulyukayéwning, türkiyege yürgüzülgen imbargoning rusiye iqtisadighimu selbiy tesir körsetkenlikini éytqanliqini xewer qildi. Aléksey ulyukayéw sözide “Mesilen sayahet sahesige oxshash bezi sahalerde imbargoning eksi tesirini ochuq körüwalghili bolidu” dégen hemde bu imbargoning méwe - köktat baziriningmu selbiy tesirge uchrighanliqini qeyt qilghan. Melum bolushiche, türkiye uzun yillardin buyan rusiyening asasliq mewe - kök tat bilen teminlesh menbesige aylan'ghan bolup, bu xil mehsulatlargha chek qoyulghanda rusiye ahalisining iqtisadiy we maddi turmushighimu küchlük tesir peyda qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet