Rusiyening nowosibirsk shehiridiki Uyghur tamaqxanisi olimpik chémpiyonini bir yil heqsiz tamaq bilen teqdirlidi

Muxbirimiz ümidwar
2016-10-02
Share

Yéqinqi yillardin buyan ottura asiya jumhuriyetliridiki Uyghur ahaliliri arisida rusiyening her qaysi sheherlirige bérip tirikchilik qilish köpeygen bolup, bir qisim rusiye sheherliride Uyghur ashxaniliri we réstoranliri arqimu - arqidin échilmaqta. Rusiyening sbiriye rayonidiki chong sheher nowosibirsk shehiridiki bir Uyghur tamaqxanisining bir neper olimpik chémpiyonigha bir yilghiche heqsiz tamaq bérishni qarar qilghanliqigha a'it xewer "Komsomol heqiqiti" gézitide élan qilindi.

Xewerde ilgiri sürülüshiche, Uyghur tamaqxanisining xojayini xemit toxtiyéw özi esli tenheriket mahiri bolup,u nowosibirsk shehiridin chiqqan girik - rimche chélishish boyiche olimpik chémpiyoni roman wlasow bilen yéqin dostluq munasiwitige ige. Roman 12 yéshidin tartip, xemit toxtiyéwning köz aldida chong bolghan hemde u izchil xemit toxtiyéwning ilhamlandurushi hetta yardemlirige érishken.

Mezkur chémpiyon Uyghur tamaqlirigha alahide amraq bolup, leghmen, manta, polu qatarliq yémekler uning eng yaxshi köridighan tamaqliri iken. Xemit toxtiyéw, roman londondiki olimpik murasimigha mangghanda eger chémpiyon bolsa uninggha bir yil heqsiz tamaq béridighanliqini éytqan we u chémpiyon bolup qaytip kelgendin kéyin öz wedisini orundighan.

Bu qétim roman wlasow ryoda ötküzülgen olimpik musabiqisige méngish aldida mezkur Uyghur ashxanisi uni daghdughiliq uzatqan we xemit toxtiyéw eger u yene olimpik chémpiyoni bolsa uni bir yilghiche bir waq heqsiz tamaq bilen teqdirleydighanliqini éytqan. Heqiqeten roman wlasow bu qétimmu chémpiyon bolup, bu xil teqdirleshke érishken.

Hazir nowosibirsk shehiridiki bu Uyghur ashxanisining nami chiqqan bolup, bu ashxanigha mezkur sheherdiki dangliq shexsler, olimpik chémpiyonining dostliri we bashqilar da'im kélip, Uyghur tamaqliridin hozurlinidiken.

Rusiye metbu'atining yézishiche, eger mezkur olimpik chémpiyoni bu ashxanida her küni bir texse heqsiz leghmen yése, bir yilda 54 ming rubli iqtisad qilip qalidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet