Rusiye - yaponiye rehberliri zémin mesilisi we bashqa mesililer heqqide söhbet ötküzdi

Rusiyide ziyarette boliwatqan yaponiye bash weziri shinzo abé 29 - aprél küni rusiye prézidénti wladimir putin bilen körüshüp, ikki dölet otturisidiki töt aral mesilisi we bashqa mesililer heqqide mexsus söhbet ötküzdi.

Söhbettin kéyin ikki dölet rehberliri birleshme bayanat bérip, ikki dölet otturisida bir qisim muhim kélishimler imzalan'ghanliqini bildürdi.

B b s agéntliqining xewiridin melum bolushiche yaponiye bash weziri shinzo abé bilen rusiye prézidénti wladimir putin bu qétim yene ikki dölet otturisida hemkarliq we tinchliq kélishimi imzalighan. Xewerde déyilishiche, bu yaponiye bilen rusiyining 2003 - yili imzalighan “Yaponiye - rusiye heriket pilani” din 10 yil kéyin, ikki döletning yene bir qétim birleshme bayanat bérishi hésablinidiken.

Shinzo abé düshenbe küni rusiye ziyaritini bashlighan bolup, bu on yildin kéyin yaponiye bash wezirining tunji qétim moskwani ziyaret qilishi bolup hésablinidiken.