Chaghanning aldi-keynide shayarning weziyiti jiddiyleshken

Muxbirimiz jüme
2014-02-05
Share

Bir radi'o anglighuchimiz yollighan melumatqa qarighanda, chaghanning aldi-keynide aqsu shayar nahiyisining weziyiti intayin jiddiyleshken, hökümet xadimliri 24 sa'etlep meschit béqishqa quyulghan.

Uning yerlik hökümetning bir shopuridin igilishiche, shayar nahiyiside din'gha qaritilghan cheklesh xéli burunla kücheytilgen bolup, kimliksiz meschitke kirish men'i qilin'ghan.

Uningdin bashqa shayarda ayallarning yaghliq artishi, erlerning saqal-burut qoyushigha qaritilghan cheklesh siyasiti qattiq yürgüzülgen.

Eger 40 yashtin töwen qiz-chokanlarning yaghliq artqanliqi bayqalsa, ularning doxturxanigha kirishi cheklinip, jerimane qoyulidiken.

U yollighan uchurlargha qarighanda yene, nöwette shayar yézisi teweside oqutquchilarning burutini chüshürüsh belgilimisi qattiq yürgüzülgen. Eger oqutquchilarning burut qoyghanliqi bayqalsa, derhal chüshürüwétishke mejburlinidiken.

Shayar nahiyisi qaylor yéziliq ottura mekteptiki ikki yash oqutquchi burutini chüshürmigenliki üchün hökümetning tenqidige uchrighan. Da'iriler shu sewebtin mezkur "Mekteptiki her bir oqutquchigha 5 ming yüendin jerimane qoyimiz, mudirni xizmettin heydeymiz" dep tehdit salghandin kéyin bu oqutquchilar burutlirini aldurushqa mejbur bolghan. Emma weqening qachan bolghanliqi hazirche namelum.

Ötken ay aqsuning bir qisim jaylirida zenjirsiman partlitish weqeliri yüz bergen. Melum bolushiche, bu weqege 17 kishi chétilghan. Gumandarlardin din 6 kishi xitay amanliq küchliri teripidin étip tashlan'ghan, 6 kishi partlap hayatidin ayrilghan, qalghan 5 kishi qolgha élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet