Хитай даирилириниң сақал-бурут чәклимиси хәлқара мәтбуатларниң диққитини қозғиди

Мухбиримиз меһрибан
2014-04-25
Share

Йеқиндин буян даириләрниң уйғурларға қаратқан аталмиш "диний кәйпиятниң символи болған сақал-бурут вә кийим кечәк-чәклимиси"ниң күчийиши, хәлқара мәтбуатларниң уйғур вәзийити һәққидики хәвәрлиридә асасий салмақни игиләшкә башлиди.

25-Апрел күни әнгилийидә чиқидиған телиграф гезитидә, ақсу шаяр наһийисидә йолға қоюлған сақал қойған әрләргә 50 сомдин 50 миң сомғичә җәриманә қоюлғанлиқи, сақаллиқ әрләр вә һиҗаплиқ аялларниң тәкшүрүш һәтта тутқун қилиш обиктиға айланғанлиқи һәққидики хәвәр бесилди.

Почта-телиграф гезити хәвәрниң хитайниң йәр шари вақти гезитиниң пәйшәнбә күнидики хәвиридин нәқил елинғанлиқини әскәртип, "шинҗаң даирилири һазир сақал қойған уйғурларни һуҗум нишани қилди.

Сақал, бурут даириләрниң нәзиридә диний радикаллиқниң испати дәп қарилип, сақал қойған уйғурлар һәр җәһәттин қаттиқ чәклимә вә бастурушқа учримақта. Әмма уйғурларниң нәзиридә сақал, бурут қоюш мусулманлиқниң вә өрп-адәтниң бәлгиси дәп қарилиду" дегән баянлар берилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт