Amérika dölet mejlisi “Shinjang saqchi höjjetliri” ge qarita bayanat élan qildi

Muxbirimiz eziz
2022.05.24

Washin'gton shehiridiki “Kommunizm qurbanliri xatire fondi” teyyarlap chiqqan “Shinjang saqchi höjjetliri” témisidiki zor hejimlik höjjetler toplimi 24-may küni resmiy élan qilin'ghandin kéyin amérika dölet mejlisi buninggha qarita bayanat élan qildi.

Amérika dölet mejlisi qarmiqidiki xitay ishliri ijra'iye komitéti 24-may küni élan qilghan bayanatta mezkur komitétning re'isliri jéf mérkéliy (Jeff Merkley) we jéymis mékgowérn (James P. McGovern) Özlirining bu höjjetlerdiki mezmunlardin bekmu bi'aram bolghanliqini bildürdi. Ular bayanatta bu heqte söz qilip “Yéngidin ashkara bolghan bu höjjetler shi jinping we bashqa yuqiri derijilik emeldarlarning shinjangdiki qirghinchiliqta qandaq rol oynawatqanliqini, Uyghurlar we bashqa türkiy tilliq xelqlerning lagérgha qamilishi pütünley birer jinayet bilen emes, eksiche, ularning milliy we diniy kimliki tüpeylidin bolghanliqini körsitip béridu” dédi.

Ular bayanatta bu höjjetlerning san jehettiki köplüki we mezmun jehettiki wehshiylikini tekitligen halda birleshken döletler teshkilati kishilik hoquq aliy kéngishining re'isi mishél bachélétning xitay emeldarliri bilen uchrashqanda bu höjjetlerni otturigha qoyushini telep qildi. Shundaqla amérika hökümitini xitaygha qaratqan jaza tedbirlirini téximu qattiq ijra qilishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.