Xitaydiki saxta waksina weqeside tutqun qilin'ghanlar 27 ge yetti, tekshürülgenler 300 din ashti

Muxbirimiz méhriban
2016-04-14
Share

Xitay aliy teptish mehkimisi 14-aprél bayanat bérip, 3-ayda yüz bergen saxta waksina weqeside jinayi jawabkarliqi éghir bolghanlardin 27 kishining resmiy qolgha élinip, qanun orunlirigha tapshurulghanliqini bildürdi.

Peyshenbe küni shinxu'a agéntliqimu bir ay ichide saxta waksina weqesige chétilip mes'uliyiti sürüshtürülgen hökümet emeldarliri, sehiye xadimliri we dora shirket xojayinlirining sani 357 ge yetkenlikini, saxta waksina weqesige chétishliq délolarning dawamliq tekshürülüwatqanliqini xewer qildi.

Melum bolushiche, 3-ayning bashliri xitayning gu'angdung ölkiside yüz bergen yesli balisining saxta waksinidin ölüsh weqesidin kéyin, shendungda ishlen'gen saxta waksinilarning xitayning 20 din artuq ölke, aptonom rayon'gha tarqalghanliqi ashkarilan'ghan. Mezkru weqe xitay puqralirining qattiq naraziliqini qozghighan, xitay bolsa xelq'ara sehiye teshkilatining agahlandurushigha uchrighan idi.

Netijide xitay hökümiti 22-mart küni jaylardiki teptish organlirigha "Saxta waksina weqeliri üstide délo turghuzup bir terep qilish" uqturushini tarqatqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet