Хитайда балилири сахта ваксининиң зиянкәшликигә учриған 60 тин артуқ киши әрз қилди

Мухбиримиз меһрибан
2016-04-19
Share

Хәвәрләрдин мәлум болушичә, 18-апрел дүшәнбә күни балилири сахта ваксининиң зиянкәшликигә учриған 67 аилә коллектип һалда бейҗиң 1-оттура сотиға әрз йоллиған вә уларниң әрзи қобул қилинип дело турғузулған.

Әрз сунған ата-анилардин радиомиз зияритини қобул қилғучилар, балилириға сахта ваксина әмләнгәндин кейинки әһвални баян қилип, сахта ваксиниларниң балиларда охшимиған дәриҗидики мәҗруһлуқ пәйда қилғанлиқини, һәтта бәзи балиларниң барлиқ турмуш иқтидарини йоқатқанлиқини, ваксина урулғандин кейинки узун мәзгилдин буян бу балиларниң давалиниш вә турмуш хираҗити капаләткә игә қилинмиғанлиқини, шуңа ата-аниларниң мунасивәтлик орунларға әрз қилип кәлгән болсиму, әмма даириләрниң һазирғичә бирәр әмәлий тәдбир алмиғанлиқини билдүрди.

3-Айниң башлири хитайниң гуаңдуң өлкисидә йүз бәргән йәсли балисиниң сахта ваксинидин өлүш вәқәсидин кейин, шәндуңда ишләнгән сахта ваксиниларниң хитайниң 20 дин артуқ өлкә, аптоном районға тарқалғанлиқи ашкариланған.

Мәзкур вәқә хитай пуқралириниң қаттиқ наразилиқини қозғиған, хитай болса хәлқара сәһийә тәшкилатиниң агаһландурушиға учриған. Шундин кейин хитайниң алий тәптиш мәһкимиси 14-апрел баянат берип, 3-айда йүз бәргән сахта ваксина вәқәсидә җинайи җавабкарлиқи еғир болғанлардин 27 кишиниң рәсмий қолға елинғанлиқини, делоға четилғанларниң 357 кишигә йәткәнликини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт