Xitayda baliliri saxta waksinining ziyankeshlikige uchrighan 60 tin artuq kishi erz qildi

Muxbirimiz méhriban
2016.04.19
Share on WhatsApp
Share on WhatsApp

Xewerlerdin melum bolushiche, 18-aprél düshenbe küni baliliri saxta waksinining ziyankeshlikige uchrighan 67 a'ile kolléktip halda béyjing 1-ottura sotigha erz yollighan we ularning erzi qobul qilinip délo turghuzulghan.

Erz sun'ghan ata-anilardin radi'omiz ziyaritini qobul qilghuchilar, balilirigha saxta waksina emlen'gendin kéyinki ehwalni bayan qilip, saxta waksinilarning balilarda oxshimighan derijidiki mejruhluq peyda qilghanliqini, hetta bezi balilarning barliq turmush iqtidarini yoqatqanliqini, waksina urulghandin kéyinki uzun mezgildin buyan bu balilarning dawalinish we turmush xirajiti kapaletke ige qilinmighanliqini, shunga ata-anilarning munasiwetlik orunlargha erz qilip kelgen bolsimu, emma da'irilerning hazirghiche birer emeliy tedbir almighanliqini bildürdi.

3-Ayning bashliri xitayning gu'angdung ölkiside yüz bergen yesli balisining saxta waksinidin ölüsh weqesidin kéyin, shendungda ishlen'gen saxta waksinilarning xitayning 20 din artuq ölke, aptonom rayon'gha tarqalghanliqi ashkarilan'ghan.

Mezkur weqe xitay puqralirining qattiq naraziliqini qozghighan, xitay bolsa xelq'ara sehiye teshkilatining agahlandurushigha uchrighan. Shundin kéyin xitayning aliy teptish mehkimisi 14-aprél bayanat bérip, 3-ayda yüz bergen saxta waksina weqeside jinayi jawabkarliqi éghir bolghanlardin 27 kishining resmiy qolgha élin'ghanliqini, délogha chétilghanlarning 357 kishige yetkenlikini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet