Xitayning tétitqu qatarliq saxta yémeklikliri wehime yaratti

Muxbirimiz méhriban
2017-01-17
Élxet
Pikir
Share
Print

16, 17-yanwar künliridiki xitay hökümet xewerliride, yéqinda xitayda nésttl, knorr qatarliq dangliq tétitqu markiliri chaplan'ghan saxta tétitqu ishlesh zawutliridin 50 nechchisi ashkarilan'ghanliqi xewer qilindi.

Tyenjinde chiqidighan "Yéngi paytext géziti"ning 16 -yanwardiki xewiride, tyenjin sheherlik jinxey rayonigha jaylashqan 50 ke yéqin tétitqu zawutida 10 nechche yildin buyan sana'ette ishlitilidighan tuz, reng, chirishke qarshi formalin qatarliqlar ishlitilish arqiliq ishlepchiqirilghan tétitqularning xitay ölkiliri, hetta chet'ellerdiki xitay talla bazarlirida sétilghanliqi ashkarilan'ghan, shuningdek yilliq paydisi 100 milyon somdin ashqan bu tétitqu zawutlirining yene, yagh ishlesh zawutliri ishlitip bolghan kawawichin, qelempur qatarliq xushpuraq dora-dermeklerni yighiwélip qayta qurutup, talqan qilish arqiliq qorumilarda ishlitidighan xaltiliq dora ‏-dermeklerni ishlepchiqirip bazargha salghanliqi tilgha élindi.

En'gliye b b s agéntliqining 17-yanwardiki xewiride, taziliq shara'iti intayin nachar bolghan bu xil saxta yémeklik zawutlirining xitay ölke, sheherliride keng tarqilishigha seweb bolghan amillar tilgha élinip, xitay hökümet da'iriliri teshwiqatida yillardin buyan bu xil saxta yémeklik zawutlirigha chare körülgenliki xewer qiliniwatqan bolsimu, emma yémeklik sahesige bolghan nazariti we tedbirliridiki boshluqlar xitayda saxta hetta zeherlik yémekliklerning barghanche köpiyishige seweb bolghanliqi ilgiri sürülüp, kishiler xitayda ishlen'gen yémekliklerni istémal qilishta yémeklik süpitige diqqet qilishqa agahlandurulghan.

Toluq bet