Uyghur aptonom rayonida dölet derijilik menzire sayahet nuqtilirining köpiyishi muhit mutexessislirining endishisini qozghimaqtiken

Yéqinda xitay döletlik sayahet idarisi Uyghur aptonom rayonining tékes nahiyesidiki qarajül yayliqi bilen xotunsumbul nahiyesige qarashliq bayinbulaq yayliqini döletlik 5-a derijilik nayahet nuqtisi tizimigha kirgüzgen.

Tengritagh torining bu heqtiki xewirige qarighanda, qarajül yayliqi bilen bayinbulaq yayliqini qoshup hésablighanda Uyghur aptonom rayonidiki döletlik 5-a derijilik sayahet nuqtisi tizimigha kirgen orunlar 11 ge yetken bolup, xitay boyiche 2-chong sayahet ölkisige aylan'ghan.

Halbuki, bu xewer Uyghur élining ékologiyelik muhitini tetqiq qilidighan mutexessisler bilen bir qisim muhit qoghdighuchilirini endishige salmaqtiken. Ularning qarishiche, iqlimi tipik ichkiy quruqluq tipigha mensup bolghan Uyghur élida döletlik sayahet nuqtilirining köpiyishi bu yerge türkümlep kélidighan sayahetchilerni jelp qilidiken.

Boghda köli bilen qanas kölining döletlik sayahet nuqtisi qilin'ghandin kéyinki tebi'iy muhitidiki buzulush hadisisi muhit mutexessislirige buningdin kéyin Uyghur élining bashqa jayliridiki tebi'iy menzire rayonliriningmu weyran qilinidighanliqidin bisharet bermektiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar