Sayragülning siyasiy panahliq iltimasi ret qilin'ghan


2018-10-08
Share

Ilgiri Uyghur diyarining mongghulküre nahiyesidiki "Terbiyelesh merkizi" dep atiliwatqan yighiwélish lagérida xitay tilidin ders ötken, kéyin qazaqistan'gha qéchip chiqqan sayragül sawutbayning siyasiy panahliq iltimasi qazaqistan hökümiti teripidin ret qilin'ghan.

"Azadliq radi'osi" 5-öktebir bu heqte xewer élan qilghan. Xewerde sayragülning adwokati abzal kuspanofning "Firansiye agéntliqi" gha qilghan sözi neqil élin'ghan. U sözide qazaqistan bilen xitayning nöwettiki "Pewqul'adde yéqin" munasiwitige qarapla köchmenler idarisidin bundaq netijining chiqishini texmin qilip bolghanliqini bildürgen. U yene bu qarargha naraziliq erz sunidighanliqini eskertken.

Bu yil aprélda échilghan sotta sayragül sawutbay Uyghur diyaridiki Uyghur, qazaq we bashqa yerlik milletlerning atalmish "Qayta terbiyelesh lagérliri" da uchrawatqan "Ménge yuyush" herikitini ashkarilighan idi. Bu yil awghustqa kelgende qazaqistan soti uning xitaygha qayturulmaydighanliqi heqqide höküm élan qilghan idi.

Közetküchiler qazaqistan soti teripidin alliqachan bigunah dep qoyup bérilip bolghan sayragülning siyasiy panahliq iltimasining ret qilinishini xitayning qazaqistan hökümitige bésim ishletkenlikidin bolghan dep texmin qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet