Se'udi erebistan we misir herbiy paraxotliri yemen déngiz tewelikige qarap yolgha chiqqan

Muxbirimiz jüme
2015-03-28
Share


27 - Mart se'udi erebistan we misir herbiy paraxotliri yemen déngiz tewelikige qarap yolgha chiqqan. Amérika awazining xewer qilishiche, mezkur herbiy paraxotlar bab eden (bab el - mendab) boghuzigha kélip bu jaydiki istratégiyelik déngiz yolini igileydiken. Misir herbiy da'iriliri birleshme agéntliqigha herbiy paraxotlirining déngiz boghuzigha yéqinlashqan yaki bérip bolghan bolushi mumkinlikini bildürgen.

Eden boghuzi qizil déngiz we suweysh qaniligha ötidighan muhim tügünlerning biri iken.

Aldinqi küni se'udi erebistan bashchiliqidiki ereb birleshme qoshunliri yemendiki shi'elerdin teshkillen'gen elhuthiyyun qozghilangchilirini hawadin bombardiman qilghan.

Bombardiman'gha 100 din artuq küreshchi ayropilan qatnashqanliqi xewer qilghan.

Melumatlarda hawa hujumida elhuthiyyunlarning bir qisim radar we herbiy eslihelirini öz ichige alghan herbiyler igidarchiliqidiki binalargha zerbe bérilgenliki bildürülgen.

Se'udi erebistan bashchiliqidiki birleshme ereb armiyisige 10 ereb döliti awaz qoshqan.

2012Yili yemen prézidénti eli abdulla saléh aghdurulghandin buyan yemen toqunush qaynimigha pétip qalghan idi.

Amérika awazning xewer qilishiche, saléh qozghilangchi elhuthiyyunlar bilen hemkarlashqan we yemenning paytextini igiligen we yemenning bashqa jayliridiki sünniyler toqunushup pütün yemen'ge kéngiyishke bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet