Сәудий әрәбистан һөкүмитигә уйғурлар мәсилисидә соал қоюлди
2020.11.24
Йеқинда сәуди әрәбистан һөкүмитиниң икки нәпәр уйғур муһаҗирни тутқун қилғанлиқи һәмдә уларни хитайға өткүзүп бериш еһтималиниң барлиқи мәлум болғандин кейин һәр саһәниң күчлүк тәнқидигә дуч кәлди.
23-Ноябир күни кишилик һоқуқни көзитиш тәшкилати мәхсус баянат елан қилип “сәуди һөкүмитиниң бу уйғурларниң әһвали һәққидә мәлумат бериши һәмдә уларни қәтии хитайға қайтурмаслиқи” ни тәләп қилди. Мәзкур тәшкилатниң оттура шәрқ ишлири директори җов сторк бу һәқтә қилған сөзидә: “сәуди һөкүмити 20 дөләт башлиқлири йиғинида өзлириниң иҗабий образини яратмақчи болуватиду. Әгәр бу уйғурларни хитайға қайтуруп бәрсә уларниң хәлқарадики абройи бир тийин болиду” дегән.
Мәлум болушичә, бир қисим ислам һөкүмәтлириниң уйғурларни тутқун қилиш вә хитайға өткүзүп бериш қилмиши бирнәччә қетим садир болған һадисә болуп, бу қетим һәр саһә хәлқи сәуди әрәбистан һөкүмитини өзлири имза қойған хәлқаралиқ әһдинамиларға риайә қилишқа җиддий үндимәктикән.
Көп көрүлгән хәвәрләр
RFA
- Үрүмчидики мәшһур бина—“рабийә қадир сода сарийи” ниң чеқиветилгәнлики дәлилләнди
- Канада һөкүмитиниң он миң уйғурни орунлаштурушиниң тунҗи қәдими мувәппәқийәтлик бесилди
- “уйғур сәнәт көргәзмиси” гә яндашқан уйғур қирғинчилиқи муһакимә йиғини башланди
- Ришат аббас америка дөләт мәҗлисидә уйғур тили, мәдәнийити вә хатирисини қоғдашқа техиму көп иқтисад аҗритишқа чақирди
- Нури түркәл: “американиң анамни әкелишини уйғурларға көрситиватқан ғәмхорлуқиниң ипадиси, дәп қараймән”