Se'udiy erebistan hökümitige Uyghurlar mesiliside so'al qoyuldi

Muxbirimiz eziz
2020-11-24
Share

Yéqinda se'udi erebistan hökümitining ikki neper Uyghur muhajirni tutqun qilghanliqi hemde ularni xitaygha ötküzüp bérish éhtimalining barliqi melum bolghandin kéyin her sahening küchlük tenqidige duch keldi.

23-Noyabir küni kishilik hoquqni közitish teshkilati mexsus bayanat élan qilip "Se'udi hökümitining bu Uyghurlarning ehwali heqqide melumat bérishi hemde ularni qet'i'i xitaygha qayturmasliqi" ni telep qildi. Mezkur teshkilatning ottura sherq ishliri diréktori jow stork bu heqte qilghan sözide: "Se'udi hökümiti 20 dölet bashliqliri yighinida özlirining ijabiy obrazini yaratmaqchi boluwatidu. Eger bu Uyghurlarni xitaygha qayturup berse ularning xelq'aradiki abroyi bir tiyin bolidu" dégen.

Melum bolushiche, bir qisim islam hökümetlirining Uyghurlarni tutqun qilish we xitaygha ötküzüp bérish qilmishi birnechche qétim sadir bolghan hadise bolup, bu qétim her sahe xelqi se'udi erebistan hökümitini özliri imza qoyghan xelq'araliq ehdinamilargha ri'aye qilishqa jiddiy ündimektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet