Шаңхәйдә тирикчилик қиливатқан бир қисим уйғурлар намайиш қилди

Бизгә кәлгән учурларға қариғанда, шаңхәйдә тирикчилик қиливатқан бир қисим уйғурлар 3 - май намайиш қилип, һөкүмәт даирилириниң уларниң турмуш йолини тосидиған қарарлиқиға наразилиқ билдүргән.

Бәзи учурларда шаңхәй шәһириниң мәзкур шәһәрдә яшаватқан уйғурларни шаңхәйдин қайтишқа буйруғанлиқи, уйғурларниң буниңға қарши наразилиқ билдүргәнлики илгири сүрүлгән.

Әмма, һазирғичә игиләнгән бир қисим мәлуматларға қариғанда, шәһәр муһитини асраш идариси буйруқ чиқирип, шәһәрдики мәсчит алдида яймичилиқ қилидиған уйғурларни яма ачмаслиққа буйруған. Уйғурлар буниңға қарши чиқип намайиш қилған.

Намайишчиларниң көпинчиси аяллар болуп, 20 әтрапида икән. Улар “бизму җуңго пуқраси”, “ши җинпиң пуқраларға көңүл бөлмәмду” дегәнгә охшаш плакатларни көтүрүп шәһәрлик һөкүмәт алдида намайиш қилған.

Намайиш нәқ мәйдандин тартилғанлиқи илгири сүрүлгән бәзи сүрәтләргә қариғанда хитай сақчилири намайишчиларниң әтрапини қоршиған, әмма намайишқа тосқунлуқ қилмиған.

Әмма, намайишиниң һәқиқий сәвәби вә намайишниң қандақ нәтиҗиләнгәнлики һазирчә ениқ әмәс. Биз бу һәқтә давамлиқ мәлумат беришкә тиришимиз.