Shangxey hemkarliq teshkilatining yashlar almashturush lagéri pa'aliyiti ürümchide uyushturuldi

Muxbirimiz irade
2016-08-25
Share

Shangxey hemkarliq teshkilati yashlar almashturush lagéri pa'aliyitining yighini 23-awghust küni ürümchide échilghan bolup, xelq torining bu heqtiki xewiridin qarighanda, lagérgha rusiye, qazaqistan, qirghizistan, tajikistan, bélarusiye, hindistan, pakistan, iran, afghanistan, mongghuliye qatarliq on dölettin kelgen yashlar wekilliri qatnashqan.

120 Kishilik ziyaret ömiki 22-awghusttin 30-awghustqiche Uyghur éli, ichki mongghul we béyjingni ziyaret qilidiken.

Közetküchiler xitayning shangxey hemkarliq teshkilatidin közligen meqsitining Uyghur élidiki qarshiliq heriketlirining aldini élish üchün ikenlikini otturigha qoyushidu, uning üstige, Uyghur éli xitay üchün zor ehmiyetke ige dep qariliwatqan “Bir yol bir belwagh” qurulushidiki eng muhim yadroluq orunning biri.

Shunga közetküchiler xitay hökümitining shangxey hemkarliq teshkilatigha eza döletler yashlirini teklip qilish arqiliq özining tesir da'irisini kéngeytishke tirishiwatqanliqini bildürmekte.

Melum bolushiche, bu lagérning ürümchide échilghan yighinida yipek yoli iqtisad belwéghi heqqide chüshenche bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet