Shangxey hemkarliq teshkilati bashliqlirining yighini jüme küni tashkent shehiride bashlandi

Shangxey hemkarliq teshkilati bashliqlirining yighini jüme küni özbékistan paytexti tashkent shehiride ötküzüldi.

Bügünki yighinda eza döletler qatnash yoli kélishimi imzalinishi mumkin. Mezkur kélishimde, 2017-yili eza döletler quruqluq qatnash yolini öz ara tutashturush otturigha qoyulghan.

Yighinda yene, eza döletler otturisidiki soda-iqtisadiy hemkarliqni kücheytish, bolupmu qatnash transport, énérgiye, alaqe qatarliq asasi esliheler qurulushi sahesidiki hemkarliqni kücheytish muzakire qilinidu.

Térrorluqqa qarshi turush hemkarliqi yighinda muzakire qilinidighan nuqtiliq mesililerning biri. Közetküchilerning ilgiri sürüshiche, xitay hökümiti ottura asiya elliri arqiliq sherqiy türkistan islam herikitining pa'aliyitini kontrol qilishni ümid qilidu.

Bu qétimqi yighin'gha xitay bash ministiri li kéchyang qatnashti. U peyshenbe küni tashkentke yétip kelgen.
Firansiye agéntliqining xewer qilishiche, jüme küni xitay bilen özbékistan 400 milyon dollarliq kélishim imzalap, xitay özbékistan tömüryol qurulushigha yardem bérishke wede bergen.

Özbékistan xitay teminligen qerz pulgha sherqi özbékistanni özbékistanning bashqa rayonlirigha tutashturidighan 2 tömüryol tonili yasaydu. Özbékistan bu arqiliq perghane wadisigha tajikistanning soghda wilayiti arqiliq aylinip baridighan ehwalgha xatime bérishni oylaydiken.