Shi jinping "Ikki yüzlimichiler" ni qézip chiqirishni qet'iy dawamlashturushni tekitligen

Muxbirimiz irade
2019-01-23
Élxet
Pikir
Share
Print

Uyghur élida yolgha qoyulghan atalmish "Ikki yüzlimichiler" ge qarshi küresh qilish herikitining emdi pütün xitay miqyasida omumlashturulidighanliqi melum bolmaqta.

Xitayning "Xelq tori" da tarqitilghan bir xewerge qarighanda, yéqinda xitay dölet re'isi shi jinping xitay merkiziy komitéti siyasiy byurosining yighinida söz qilghanda siyasiy jehettiki "Ikki yüzlimichi" lerni yoqitish toghrisida mexsus toxtalghan. U sözide "Ikki yüzlimichi" lerning "Nahayiti küchlük yoshurunush iqtidarigha we azdurushchanliqqa ige ikenliki" ni, shunga ulargha qarshi küreshtiki mutleq ghelibini qolgha keltürüsh üchün "Ikki yüzlimichi" lerni "Dawamliq perqlendürüp tazilash we siyasiy éké'ologiyeni saplashturush" ning zörürlükini tekitligen.

Xitay hökümiti 2017-yilidin buyan Uyghur élida "Ikki yüzlimichi" lerni qézip chiqirish herikiti qozghighan we bu arqiliq nurghun Uyghur emeldarlirini we Uyghur ziyaliylirini "Qayta terbiyelinish" üchün lagérlargha qamighan bolsa, ularning ichidiki sattar sawut, tashpolat téyip, xalmurat ghopur qatarliq bir qisim yuqiri derijilik közge körün'gen serxillargha kéchiktürme ölüm jazasi bergen idi.

Chet'ellerdiki Uyghur közetküchilerning qarishiche, shi jinping hökümiti Uyghur élidiki bu atalmish "Ikki yüzlimichi" lerge qarshi turush herikitini dawamliq kücheytkendin bashqa, uni emdi pütün xitay miqyasida omumlashturushqa hazirliniwatqan bolushi mumkin iken.

Chet'ellerdiki közetküchiler yene Uyghur élini xitay hökümitining öz siyasetlirini sinaq qilidighan "Tejribe meydani" dep körsetmekte.

Toluq bet